Guplak, Wong Penginyongan Ora Bisa Gawe Kurikulum Banyumasan

Kurikulum pendidikan wis aweh aturan ngolihna anane muatan lokal, sing bisa diisi kanggo nguri-nguri bodaya lokal, uga kelebu wong penginyongan sing duwe bahasa dhewek, mesthine pemrentah karo ahli bahasa lan budaya Banyumasan bisa ngancang kurikulum Banyumasan. Kurikulum sing dimaksud sing bisa bener-bener nguri-nguri bahasa Banyumasan.

Kurikulum saiki ora pas lan ora patut kanggo nglestarikna budaya lan bahasa Banyumasan, isine mung pengetahuan dudu tatanan bahasa sing bener lan nganggo paugeran. Kudu ana seminar bahasa Banyumasan sing nentukna macem, urutan, kududukan lan liyane.

Bocah sekolah jaman saiki langka sing bisa kon ngramakna basa Banyumasan lewih-lewih krama inggil. Kuwe sebabe kurikulume salah ora ngutamakna bahasa pedinan sing neng Banyumasan.

Kanggo Pemrentah Banyumas, Cilacap, Purbalingga, Banjarnegara, Kebumen, kudu njagong bareng nganakna seminar basa Banyumasan. Aja mung kepenak ngurusi politik praktis thok karo proyek, aja kaya guplak kabeh ora bisa mbelani basane dhewek

Mangga sing pada peduli maring basane dhewek pada dipikirna temenan. mayuh padha melu urun rembug , melas bocah sing pada belajar mumet tapi ora kanggo

Penulis : Raras Wuri Miswandaru, SPdI. Ketua Pemuda Pakarti & YGNI Banyumas

Posted in: Banyumas